Laborer tinodas ng kaalitan

@Balitang Probinsiya | August 12, 2022

AKLAN—Patay ang isang laborer nang saksakin ng kanyang nakaalitan kamakalawa sa Bgy. Tigayon, Kalibo.

Kinilala ng pulisya ang biktimang nagtamo ng mga tama ng saksak sa katawan na si Junrel Arias, samantalang ang suspek ay si Rickyly Lubrique, kapwa nasa hustong gulang at parehong construction worker sa nasabing bayan.

Ayon sa ulat, nagkaroon umano ng pagtatalo ang dalawa na humantong sa pananaksak ng salarin sa biktima.

Dinala pa ng mga saksi si Arias sa ospital, pero idineklara itong dead-on-arrival.

Kaagad namang nadakip ng rumespondeng pulisya ang suspek na nahaharap sa kasong murder.