Laborer timbog sa rape

@Balitang Probinsiya | June 3, 2022

CAMARINES NORTE–Isang laborer na gumahasa sa kanyang menor-de-edad na pamangking babae ang naaresto ng pulisya kamakalawa sa Bgy. Talobatib, Labo.

Hindi na pinangalanan ng pulisya ang suspek upang maitago ang pagkakakilanlan ng biktimang ginahasa nito.

Nabatid na madalas umanong gahasain ng suspek ang biktima at dahil hindi na maitiis ng batang babae ang panggagahasa sa kanya ay nagreklamo na ito sa pulisya laban sa kanyang tiyuhin.

Dahil dito, agad rumesponde ang pulisya at dinakip ang suspek.

Nakapiit na ang suspek sa detention cell ng himpilan ng pulisya.