Laborer natagpuang patay sa sementeryo

@Balitang Probinsiya | September 12, 2022

RIZAL—Isang laborer ang natagpuang patay kamakalawa sa loob ng public cemetery sa Bgy. Sta. Ana, San Mateo.

Ang biktima na nagtamo ng mga tama ng saksak sa katawan ay kinilala ng pulisya na si Jayson Honorio, 22-anyos at nakatira sa nabanggit na bayan.

Nabatid na ilang residente ang nag-report sa pulisya tungkol sa pagkakatagpo nila sa bangkay ng biktima.

May hinala ang mga awtoridad na mahigit sa isang ang pumatay sa biktima dahil sa dami ng saksak na tinamo nito sa katawan.

Patuloy pa ang imbestigasyon ng mga awtoridad para makilala at madakip ang mga salarin.