Kolong-kolong vs. trak, 1 sugatan

@Balitang Probinsiya | May 16, 2022

AKLAN – Isang lalaki ang nasa kritikal na kalagayan nang aksidenteng mabangga ng isang trak ang minamaneho nitong kolong-kolong kamakalawa sa Bgy. Aranas, Balete sa lalawigang ito.

Kinilala ng pulisya ang mga biktimang si Jeric Arsola, 30-anyos, nakatira sa nabanggit na lalawigan.

Ayon sa ulat, mabilis umano ang takbo ng trak na minamaneho ni Joselito Lorenzo, nasa hustong gulang, kaya aksidenteng nabangga ang kolong-kolong na kinalululanan ng biktima.

Agad dinala ng mga saksi ang biktima sa pagamutan at kasalukuyan na siyang ginagamot.

Nahaharap ngayon ang driver ng trak sa kasong reckless imprudence resulting to physical injury and damage to property.