Kelot, tinodas ng parak sa resto bar

@Balitang Probinsiya | January 09, 2022

LAGUNA–Isang lalaki ang binaril at napatay ng pulis kamakalawa sa loob ng resto bar kamakalawa sa Cabuyao City.

Nakilala ang biktimang nagtamo ng tama ng bala sa ulo na si Bryan Perez, nasa hustong gulang at nakatira sa nasabing lungsod, samantalang kusa namang sumuko sa kapwa niya pulis ang suspek na si P/Cpl. Kirk Ilagan, nakatalaga sa Cabuyao City Police Station.

Nabatid na magkabilang grupo na nag-iinuman sina Perez at Ilagan sa resto bar at natiyempo na magkasabay silang nagtungo sa comfort room para umihi.

Ayon sa ulat, sa hindi malamang dahilan ay nagkaroon ng pagtatalo ang dalawa sa comfort room.

Matapos ang pagtatalo ay bumalik si Perez sa kanyang grupo, pero sinundan siya ni Ilagan at agad binaril na tinamaan sa ulo na agad nitong ikinamatay.