Kelot, timbog sa illegal na sabungan

@Balitang Probinsiya | January 24, 2022

AKLAN--Isang lalaking nagsusugal sa ilegal na sabungan ang inaresto ng pulisya kamakalawa sa Bgy. Mina, Lezo.

Kinilala ng pulisya ang suspek na si Mark Reyes, 37-anyos at nakatira sa nabanggit na barangay.

Ayon sa ulat, may nagbigay-impormasyon sa awtoridad na may mga nagsasagawa ng ilegal na sabong sa naturang lugar kaya agad itong sinalakay ng mga operatiba at dito nadakip si Reyes, pero nakatakas ang ibang sabungero.

Nakakumpiska ang mga operatiba ng mga manok na panabong, cash at mga tari sa lugar na pinagdausan ng ilegal na sabong.

Nakapiit na ang suspek na nahaharap sa kasong illegal gambling.