Kelot, tepok sa banggaan ng 2 motorsiklo

@Balitang Probinsiya | July 8, 2022

BATANGAS—Isang lalaki ang namatay at isa pa ang sugatan nang aksidenteng magkabanggaan ang dalawang motorsiklo kamakalawa sa Bgy. Bayanan, San Pascual.

Ang nasawi ay nakilalang si Rogelio Mendoza, 51-anyos, samantalang ang sugatan ay si Jayvee del Mundo, 18-anyos, kapwa nakatira sa naturang bayan.

Ayon sa ulat, kapwa mabilis ang takbo ng mga motorsiklong mimanaheho nina Mendoza at Del Mundo kaya aksidenteng nagkabanggaan ang dalawang sasakyan sa naturang barangay.

Nabatid na sa lakas ng pagkakabangga ay nagtamo ng malaking pinsala sa ulo at katawan ang mga biktima.

Dinala ng mga saksi ang dalawang biktima sa ospital, pero idineklarang dead-on-arrival si Mendoza.