Kelot sugatan sa banggaan ng 2 sasakyan
BULGAR
Dec 24, 2022
1 min read
@Balitang Probinsiya | December 24, 2022
ISABELA—Sugatan ang isang lalaki nang aksidenteng magkabanggaan ang SUV (Sports Utility Vehicle) at kolong-kolong kamakalawa sa Bgy. Batal, Santiago City.
Hindi na muna pinangalanan ang driver ng SUV at driver ng kolong-kolong habang iniimbestigahan pa ng pulisya ang naganap na aksidente.
Ayon sa ulat, kapwa umano mabilis ang takbo ng SUV at kolong-kolong, kaya aksidenteng nagkabanggaan ang dalawang sasakyan sa naturang lugar.
Napag-alamang nagtamo ng sugat sa ulo at katawan ang driver ng kolong-kolong.
Ginagamot na sa ospital ang driver ng kolong-kolong, samantalang iniimbestigahan pa ng pulisya ang driver ng SUV tungkol sa naganap na aksidente.
Comments