Kelot sinaksak ng kapatid
- BULGAR
- Jun 11, 2022
- 1 min read
@Balitang Probinsiya | June 11, 2022
AKLAN–Sugatan ang 31-anyos na lalaki nang saksakin ng kanyang nakakatandang kapatid kamakalawa sa Bgy. Kinalangay, Viejo.
Nakilala ang biktimang nagtamo ng saksak sa katawan na si Joseph Isagre, samantalang ang suspek ay ang kuya nito na si Vicente, 42-anyos, kapwa residente sa nasabing barangay.
Ayon sa ulat, nag-iinuman umano ang magkapatid nang magkaroon ng pagtatalo kaya sinaksak ng suspek ang biktima.
Matapos ang pananaksak sa kapatid ay sumuko sa pulisya si Vicente.
Ginagamot na sa ospital si Joseph, samantalang nakapiit na si Vicente sa detention cell ng himpilan ng pulisya.
Comments