Kelot, sinaksak ng kaalitan

@Balitang Probinsiya | June 26, 2022

AKLAN—Sugatan ang isang binata nang saksakin ng kanyang kaalitan kamakalawa sa Bgy. Daja Sur, Banga.

Hindi na muna pinangalanan ng pulisya ang biktima hangga’t hindi naipararating sa pamilya nito ang pananaksak sa kanya ng suspek na si Elizer Montoya, 51-anyos, kapwa nakatira sa nabanggit na barangay.

Ayon sa ulat, habang kakuwentuhan ng binata ang kanyang mga kaibigan ay dumating ang suspek at agad sinaksak ang biktima na tinamaan sa kanang braso.

Matapos ang pananaksak ay nagtangkang tumakas ang suspek, pero naaresto siya ng mga rumespondeng pulisya.

Kaagad dinala ng kanyang mga kaibigan ang biktima sa ospital at kasalukuyan pa itong inoobserbahan sa pagamutan.