Kelot pinatay ng kapitbahay
- BULGAR
- Dec 2, 2022
- 1 min read
@Balitang Probinsiya | December 2, 2022
PALAWAN—Patay ang isang lalaki nang pagsasaksakin ng kanyang kapitbahay kamakalawa sa Bgy. Samarinana, Brookes Point.
Ang biktimang nagtamo ng mga tama ng saksak ay nakilalang si Ian Idusma, 45-anyos, samantalang ang suspek ay si Margarito Gregorio, 41-anyos, kapwa nakatira sa nasabing barangay.
Ayon sa pulisya, habang nag-uusap ay nagkaroon ng pagtatalo sina Idusma at Gregorio na humantong sa pananaksak ng suspek sa biktima.
Kaagad dinala ng mga saksi si Idusma sa ospital, pero idineklara itong dead-on-arrival.
Comments