Kelot, niratrat sa barong-barong

@Balitang Probinsiya | January 28, 2022

QUEZON–Pinagbabaril hanggang sa mapatay ang 33-anyos na lalaki ng mga hindi kilalang armadong salarin kamakalawa sa loob ng kanyang barong-barong sa San Isidro, Candelaria.

Kinilala ng pulisya ang biktimang nagtamo ng mga tama ng bala sa katawan na si Jeffrey Solis, nakatira sa nabanggit na barangay.

Ayon sa ulat, nasa loob umano ng kanyang barong-barong si Solis nang pumasok ang mga suspek at agad pinagbabaril ang biktima.

Mabilis na tumakas ang mga salarin matapos tiyaking patay na ang biktima.

Naglunsad na ng manhunt operation ang pulisya para madakip ang mga suspek.