Kelot, niratrat ng 3 armado

@Balitang Probinsiya | November 28, 2020

MASBATE—Isang lalaki ang namatay nang barilin ng tatlong hindi kilalang armadong salarin kamakalawa sa Bgy. Concepcion, Aroroy.

Nakilala ang biktimang nagtamo ng mga tama ng bala sa katawan na si Ronnel Laurio, nakatira sa Bgy. Luy-a sa naturang bayan.

Napag-alamang habang minamaneho ni Laurio ang kanyang motorsiklo ay biglang sumulpot ang mga suspek at agad pinagbabaril ang biktima.

Mabilis na tumakas ang mga suspek nang matiyak na patay na ang biktima.

Naglunsad na ng manhunt operation ang mga awtoridad para madakip ang mga salarin.