Kelot, nilikida ng riding-in-tandem
Jan 10, 2022
1 min read
@Balitang Probinsiya | January 10, 2022
CAPIZ–Patay ang 40-anyos na lalaki nang barilin ng riding-in-tandem kamakalawa sa Bgy. Batabat, Maayon.
Kinilala ng pulisya ang biktimang nagtamo ng mga tama ng bala sa katawan na si Johnson Fusin, nakatira sa nabanggit na barangay.
Ayon sa ulat, nakatayo umano si Fusin sa nasabing lugar nang sumulpot ang mga suspek na nakasakay sa motorsiklo at agad pinagbabaril ang biktima.
Matapos tiyaking patay na ang biktima ay mabilis na tumakas ang mga suspek.
Patuloy pa ang imbestigasyon ng pulisya sa motibo ng mga suspek sa pamamaslang sa biktima.
Comments