Kelot nahulog sa tricycle, dedbol

@Balitang Probinsiya | January 21, 2022

CAPIZ–Isang 19-anyos na binata na nahulog sa tricycle ang namatay na kamakalawa sa ospital ng Roxas City.

Ang biktima ay kinilalang si John Lloyd Baliquidang, residente ng Bgy. Punta Tabuc, sa nasabing lungsod.

Ayon sa ulat, aksidenteng nahulog si Baliquidang sa tricycle na minamaneho ng kanyang pinsan at una ulong bumagsak sa sementadong kalsada ang biktima noong December 30, 2021.

Kaagad dinala ng kanyang pinsan si Baliquidang sa ospital, pero kamakalawa ay namatay na ang biktima habang ginagamot sa pagamutan.

Hindi naman nagsampa ng reklamo ang pamilya ni Baliquidang dahil bukod sa aksidente ang nangyari ay kamag-anak din nila ang driver ng tricycle.