Kelot na nagnakaw ng bike, buking sa shabu

@Balitang Probinsiya | May 7, 2023

ILOILO—Isang lalaki ang dinakip ng mga tauhan ng pulisya dahil sa pagnanakaw ng bisikleta at pag-iingat ng shabu, kamakalawa sa Bgy. Veterans Village, Iloilo City sa lalawigang ito.

Kinilala ang suspek na si Jay Gonzales, 23, residente ng nabanggit na lungsod.

Ayon sa ulat, nakita ng mga nagpapatrulyang tauhan ng pulisya na kasuntukan ni Gonzales ang isang William Pineda sa nasabing lugar, at nang awatin ng mga awtoridad ang dalawang nagsusuntukan, dito nalaman na ninakaw ng suspek ang bisikleta ni Pineda.

Dahil dito, kinapkapan ng mga awtoridad si Gonzales at nakumpisahan ito ng ilang sachets ng shabu.

Nakapiit na ngayon ang suspek na nahaharap sa kasong qualified theft at paglabag sa Comprehensive Dangerous Drugs Act of 2002.