Kelot kinatay ng 3 mag-uutol

@Balitang Probinsiya | April 23, 2022

ALBAY – Isang binata ang namatay nang pagtulungang saksakin ng tatlong magkakapatid na lalaki kamakalawa sa Bgy. Gabawan, Daraga sa lalawigang ito.

Ang biktimang nagtamo ng mga tama ng saksak sa katawan ay nakilalang si Angelo Satembre, 23-anyos, samantalang ang mga suspek ay sina Anthony, Randy at Andre, pawang may apelyidong Borromeo, mga nasa hustong gulang at mga nakatira sa nasabing barangay.

Nabatid na habang nag-iinuman ay nagkaroon ng pagtatalo si Satemre at mga suspek kaya pinagsasaksak ng magkakapatid ang biktima.

Matapos ang pananaksak ay mabilis na tumakas ang mga suspek.

Iniimbestigahan na ng pulisya ang motibo ng mga suspek sa pamamaslang sa biktima.