Kawatang IT expert pinaghahanap
BULGAR
Sep 24, 2022
1 min read
@Balitang Probinsiya | September 24, 2022
BATANGAS—Isang IT (Information Technology) expert ang pinaghahanap ngayon ng pulisya dahil sa ginawang pagnanakaw sa 18 laptops kamakalawa sa Tanauan City.
Hindi muna pinangalanan ang suspek na empleyado ng kumpanyang kanyang pinagnakawan, hangga't hindi ito nadarakip ng mga awtoridad.
Ayon sa ulat, pagpasok kinaumagahan ng mga kapwa empleyado ng suspek sa pinapasukan nilang kumpanya ay nawawala na ang 18 unit ng laptop.
Dahil dito, agad tiningnan ng manager ang CCTV at dito nakita na ang IT expert ang nagnakaw ng mga laptops, at hindi na rin ito pumasok sa naturang kumpanya.
Nagpalabas na ngayon ng malawakang manhunt ang pulisya para madakip ang suspek.
Comments