Karpintero, natagpuang patay sa ilog
- BULGAR
- Mar 5, 2022
- 1 min read
@Balitang Probinsiya | March 5, 2022
CAPIZ–Isang karpintero ang natagpuang patay kamakalawa habang nakalutang sa ilog na sakop ng Bgy. Dinginan, Roxas City.
Kinilala ng pulisya ang biktima na si Pepito Beldia, 54-anyos at residente sa nabanggit na barangay.
Nabatid na ilang residente ang nakatagpo sa bangkay ng biktima habang nakalutang sa nasabing ilog.
Ayon sa ulat, huli umanong nakitang buhay si Beldia habang nanghuhuli ng maiuulam na isda sa naturang ilog.
Patuloy pa rin ang imbestigasyon ng pulisya upang mabatid kung pagkalunod ang ikinamatay ni Beldia o kung may naganap na foul play sa pagkamatay ng biktima.
Comments