Karnaper, tiklo sa buy-bust
- BULGAR
- Nov 9, 2020
- 1 min read
@Balitang Probinsiya | November 9, 2020
RIZAL—Isang notoryus na karnaper ang nadakip sa isinagawang buy-bust kamakalawa sa Taytay.
Kinilala ng pulisya ang suspek na si John Francisco, residente ng Bgy. San Juan sa nabanggit na bayan.
Nabatid na may tinanggap na impormasyon ang mga awtoridad na may ibinebentang karnap na motorsiklo si Francisco kaya agad nagsagawa ng buy-bust operation ang pulisya dahilan kaya nadakip ang suspek.
Kusa namang sumama sa pulisya at hindi na nanlaban ang suspek nang dakpin siya sa nabanggit na bayan.
Nakapiit na ang suspek na nahaharap sa kasong carnapping.
Comments