Kagawad tinodas ng 2 armado
BULGAR
Oct 1, 2022
1 min read
@Balitang Probinsiya | October 1, 2022
BATANGAS—Isang kagawad ang namatay nang barilin ng dalawang hindi kilalang armadong salarin kamakalawa sa Bgy. Salao, Rosario.
Kinilala ng pulisya ang biktimang nagtamo ng mga tama ng bala sa katawan na si Kagawad Ismael Rosales, nakatira sa nabanggit na barangay.
Ayon sa ulat, habang kausap ni Rosales ang kanyang tiyuhin sa nasabing barangay ay nilapitan ito ng mga suspek at agad pinagbabaril ang biktima.
Matapos tiyaking patay na ang biktima ay mabilis na tumakas ang mga suspek.
Patuloy pa ang imbestigasyon ng pulisya sa naganap na krimen.
Comments