Jinggoy, humirit uli ng piyansa

ni Mylene Alfonso @News | August 5, 2026

Photo: File

Hiniling ni Senador Jinggoy Estrada sa Sandiganbayan na baligtarin ang nauna nitong desisyon na tumanggi sa kanyang hiling na makapagpiyansa sa kinakaharap na P573 milyong kasong plunder kaugnay ng umano’y flood control mess.

Sa inihaing mosyon, iginiit ni Estrada na hindi siya isang flight risk at dapat siyang mapabilang sa mga exception to the general rule sa pagbibigay ng piyansa sa kasong plunder.

Inihalintulad ng senador ang kanyang sitwasyon sa naging desisyon ng Korte Suprema noong 2015, na pinagtibay noong 2016, kung saan pinayagang makapagpiyansa ang noo’y akusado ring senador na si Juan Ponce Enrile dahil sa humanitarian grounds at hindi ito itinuturing na flight risk.

Ayon sa kampo ni Estrada, kasalukuyan pa siyang nagsisilbing senador hanggang Hunyo 2028 at halos apat na dekada na siyang nasa serbisyo publiko.

Binigyang-diin pa ng senador na kusa siyang sumuko sa mga awtoridad matapos malaman ang inilabas na warrant of arrest laban sa kanya.