Internet allowance sa mga titser — DepEd
- BULGAR
- Jun 24, 2020
- 1 min read
ni V. Reyes | June 24, 2020
Pinag-aaralan na umano ng Department of Education (DepEd) kung kakayanin ng budget nito ang makapagbigay ng buwanang internet allowance para sa mga guro sa gitna ng pagpapairal ng distance learning method ngayong may pandemya.
Ayon kay DepEd Undersecretary Nepomuceno Malaluan, nagsasagawa na sila ng re-alignment ng pondo upang matugunan ang mga bagong gastusin dahil sa pagpapalit ng sistema ng pagtuturo ngayong pasukan.
Nauna na ring ipinanawagan ng Alliance of Concerned Teachers (ACT) na magbigay ng P1,500 kada buwan na internet allowance sa mga guro.
Naniniwala naman si Malaluan na pupuwedeng magamit ng mga guro ang internet allowance upang makaugnayan ang mga estudyante, magulang at kanilang supervisor para sa pagsasanay.
Comments