Illegal logger timbog sa 'hot logs'

@Balitang Probinsiya | September 15, 2022

PANGASINAN—Isang illegal logger ang dinakip ng pulisya nang makumpiskahan ng mga "hot logs" na nakakulan sa van kamakalawa sa Bgy. Caloocan, San Nicolas.

Nakilala ang suspek na si Angerick Epic, 27-anyos, nakatira sa Kabugao, Apayao.

Ayon sa ulat, napadaan sa checkpoint ang van na minamaneho ni Epic at nang makita ng mga awtoridad na may lulan itong mga pinutol na punong kahoy na narra ay hinanapan ng dokumento ang suspek.

Nang walang maipakita ay agad dinakip ng mga awtoridad ang suspek.

Nakapiit na ang suspek na nahaharap sa kasong paglabag sa PD 705 o Revised Forestry Code of the Philippines.