Hs student, huli sa marijuana

@Balitang Probinsiya | June 27, 2023

CAMARINES SUR -- Isang 16-anyos na high school student ang dinakip ng pulisya nang makumpiskahan ng marijuana kamakalawa sa loob ng paaralan sa Pili sa lalawigang ito.

Dahil menor-de-edad ay hindi na pinangalanan ng pulisya ang suspek.

Ayon sa ulat, nakita ng security guard ng hindi pinangalanang eskuwelahan ang suspek na kahina-hinala ang kilos at nang kanyang sitahin ay biglang may itinapon itong papel.

Nang tingnan ng security guard ang itinapong papel, nadiskubre nitong may nakabungkos na marijuana.

Agad na tumawag ng pulis ang security guard at ipinahuli ang suspek na nahaharap ngayon sa kasong paglabag sa Comprehensive Dangerous Drugs Act of 2002.