ni Ding Taboy - @Renda at Latigo | June 28, 2020
Sa nalalapit na pagsikad ng Triple Crown sa Setyembre na bukas sa 3 year old locally born inaabangan ang pagtikada ng Union Bell, ang 2 Year Old champion.
Ayon sa Philippine Racing Commission (PHILRACOM) magsisimula ang 1st Leg Triple Crown na pawang paglalabanan ng 3 year old locally born.
Ang Union Bell ay naghari sa 2 year old Juvenile Fillies and Colts Stakes Race, 2019 Philtobo Juvenile champion at 2019 Philracom Juvenile champion.
Maganda ang naging record ni Union Bell nang magsimula itong lumaban sa 2 year old nang magpakita ng husay sa Maiden Race na natiyempuhan ng 1:11.2 sa distansiyang 1,200 meters.
Nakitaan ng husay ang kabayo sa 1st Leg Juvenile Fillies and Colts Stakes Races sa tiyempong 1:11 sa distansiyang 1,200 meters.Nasundan ng 2nd Leg sa tiyempong 1:23 sa distansiyang 1,400 meters.
Pagsapit sa 3rd Leg Juvenile Colts Stakes Race, mahusay sa tiyempong 1:34.8 sa 1,500 meters.
Pinagharian ang 2019 Philtobo Juvenile championship sa distansiyang 1,600 at Philracom Juvenile Championship sa recod na 1:40.2 .
Ang Union Bell ay mula sa lahi ng Tocqueville at Union Rags na humakot ng 6 na panalo sa loob ng anim na laban noong 2019.