Guro, todas sa karnaper

@Balitang Probinsiya | October 27, 2020

SULTAN KUDARAT—Isang guro ang namatay nang pagbabarilin ng hindi kilalang armadong karnaper kamakalawa sa Bgy. Sagasa, Esperanza.

Ang biktimang nagtamo ng mga tama ng bala sa katawan ay kinilala ng pulisya na si Vinci Afenidad, residente sa nasabing barangay.

Nabatid na habang minamaneho ni Afenidad ang kanyang motorsiklo ay hinarang ito ng suspek at pilit na kinukuha ang kanyang sasakyan.

Napag-alamang nanlaban si Afenidad kaya pinagbabaril ito hanggang sa mapatay ng suspek.

Nagpalabas na ng manhunt operation ang pulisya para madakip ang karnaper.