Guro patay sa kuryente

@Balitang Probinsiya | August 8, 2022

QUEZON—Isang guro ang namatay nang makuryente kamakalawa sa Bgy. San Isidro, Atimonan.

Kinilala ng pulisya ang biktima na si Ma. Jane Andaya, 22-anyos, residente ng nabanggit na barangay.

Ayon sa ulat, papalabas na umano si Andaya sa banyo matapos maligo ay aksidenteng napahawak ito sa live wire kaya nakuryente ang biktima.

Napag-alamang sa lakas ng boltahe ng kuryente ay nagkaroon ng 3rd degree burns sa katawan si Andaya.

Kaagad dinala ng kanyang mga kamag-anak si Andaya sa ospital, pero idineklara itong dead-on-arrival.