Ginang nabiktima ng 2 mandurukot
BULGAR
Jul 18, 2022
1 min read
@Balitang Probinsiya | July 18, 2022
ALBAY—Isang ginang ang nabiktima ng dalawang babaeng mandurukot kamakalawa sa Bgy. Ilawod, Daraga.
Ang biktima ay kinilala ng pulisya na si Minveluz Redito, 59-anyos, nakatira sa Bgy. Putiao, Pilar, Sorsogon.
Ayon sa ulat, habang naglalakad si Redito patungo sa terminal ng bus ay binangga siya ng dalawang suspek na kanyang nakasalubong sa kalsada.
Nabatid na huli na nang mapansin ni Redito na nawawala na sa kanyang bag ang kanyang cellphone at pitaka na naglalaman ng cash.
Pinaghahanap na ng mga awtoridad ang dalawang babaeng mandurukot.
Comments