Flower vendor dinedbol

@Balitang Probinsiya | September 5, 2022

NORTH COTABATO—Isang flower vendor ang namatay nang barilin ng isa sa dalawang salarin kamakalawa sa Bgy. Batasan, Makilala.

Kinilala ng pulisya ang biktima na nagtamo ng mga tama ng bala sa katawan na si Teresa Cambal, 58-anyos, residente ng Bgy. Kisante sa nabanggit na bayan.

Ayon sa ulat, isang rider ang nagsabi kay Cambal na may bibili ng mga paninda niyang bulaklak, at pinaangkas sa motorsiklo ang biktima para puntahan ang buyer.

Nabatid na pagsapit sa naturang barangay ay pinababa ng rider sa motorsiklo si Cambal at saka sumulpot ang armadong lalaki ang pinagbabaril ang biktima.

Sa ngayon ay iniimbestigahan na ng pulisya ang motibo ng mga suspek sa pamamaslang sa biktima.