Ex-kagawad, tinepok ng 2 armado
Dec 15, 2020
1 min read
@Balitang Probinsiya | December 15, 2020
NUEVA ECIJA—Isang dating kagawad ang namatay nang barilin ng dalawang hindi kilalang armadong lalaki kamakalawa sa Bgy. San Juan, Aliaga.
Ang biktima ay nakilalang si ex-Kagawad Eduardo Simeon, nakatira sa nasabing barangay.
Ayon sa ulat, nakatayo umano si Simeon sa harap ng kanilang bahay nang biglang dumating ang dalawang suspek at agad pinagbabaril ang biktima.
Matapos ang pamamaril ay mabilis na tumakas ang dalawang suspek.
Iniimbestigahan na ng pulisya ang motibo ng mga suspek sa pagpatay sa biktima.
Comments