Ex-Councilor, nilikida ng riding-in-tandem

@Balitang Probinsiya | February 20, 2021

MAGUINDANAO—Isang dating konsehal ang namatay nang barilin ng riding-in-tandem kamakalawa sa harap ng kanyang restaurant sa bayan ng Talitay.

Kinilala ng pulisya ang biktimang nagtamo ng mga tama ng bala sa katawan na si ex-Councilor Kagui Said Karim ng nabanggit na bayan.

Ayon sa ulat, habang nasa harap ng pag-aari niyang restaurant si Karim ay biglang sumulpot ang dalawang hindi kilalang lalaki na nakasakay sa motorsiklo at agad pinagbabaril ang biktima.

Matapos tiyaking patay na ang biktima ay mabilis na tumakas ang mga salarin.

Iniimbestigahan na ng pulisya sa motibo ng mga suspek sa pagpatay sa biktima.