@Balitang Probinsiya | Ika-21 ng Pebrero, 2024
CAPIZ -- Isang ex-convict ang natagpuang patay kamakalawa sa gilid ng palaisdaan sa Brgy. Marita, President Roxas sa lalawigang ito.
Ang biktima ay kinilala ng pulisya na si Eduardo Bermejo, 39, nakatira sa nabanggit na bayan.
Napag-alaman na ilang residente ang nakatagpo sa bangkay ng biktima sa gilid ng palaisdaan sa nasabing barangay.
Sa pagsisiyasat ng pulisya ay napag-alaman na may mga sugat sa katawan ang biktima.
Nabatid na si Bermejo ay dati nang nakulong sa kasong may kinalaman sa illegal drugs.