Ex-Chairman, tinodas ng riding-in-tandem

@Balitang Probinsiya | February 03, 2022

PANGASINAN–Isang dating barangay chairman ang namatay nang barilin ng riding-in-tandem kamakalawa sa Bgy. Bolo, Labrador.

Kinilala ng pulisya ang biktimang nagtamo ng mga tama ng bala sa likod na si former Chairman Jovencio dela Cruz, 65-anyos, at nakatira sa nabanggit na barangay.

Ayon sa ulat, nakikipagkuwentuhan umano si Dela Cruz sa kanyang kaibigan nang sumulpot ang mga suspek na nakasakay sa motorsiklo at agad pinagbabaril ang nakatalikod na biktima.

Matapos tiyaking patay na ang biktima ay mabilis na tumakas ang mga suspek.

Patuloy pa ang imbestigasyon ng pulisya sa naganap na krimen