Estudyante, tepok sa mga armado
Dec 22, 2020
1 min read
@Balitang Probinsiya | December 22, 2020
NORTH COTABATO—Isang estudyante ang namatay at nasa malubhang kalagayan naman ang pinsan nito nang pagbabarilin sila ng mga hindi kilalang salarin kamakalawa sa Bgy. Poblacion, Pikit.
Ang namatay ay si Amer Esmael, 21-anyos, samantalang ang sugatan ay Rambo Amelil, kapwa residente sa nasabing bayan.
Nabatid na nakasakay sa multicab ang dalawang biktima nang pagbabarilin sila ng mga suspek
Matapos ang pamamaril ay mabilis na tumakas ang mga suspek.
Iniimbestigahan na ng pulisya ang motibo ng mga suspek sa pamamaril sa dalawang biktima.
Comments