Empleyado, nilikida ng riding-in-tandem

@Balitang Probinsiya | December 17, 2020

GENERAL SANTOS CITY—Isang empleyado ang namatay nang barilin ng riding-in-tandem kamakalawa sa Bgy. Sinawal.

Nakilala ang biktimang nagtamo ng mga tama ng bala sa katawan na si Kim Montanier, nakatira sa naturang barangay.

Ayon sa ulat, nakatayo umano si Montanier sa harap ng establisimyento nang sumulpot ang dalawang hindi kilalang suspek na nakasakay sa motorsiklo at agad pinagbabaril ang biktima.

Matapos tiyaking patay na si Montanier ay mabilis na tumakas ang mga salarin.

Iniimbestigahan na ng pulisya ang motibo ng mga suspek sa pamamaslang sa biktima.