ni Thea Janica Teh | July 10, 2020
Isang eco-friendly resto ang natagpuan ng mga netizen sa Laguna City, kung saan ang pizza nila, hindi sa ordinary box nakalagay, kundi sa handmade pizza box!
Ito ay ang The BrickOven Café na matatagpuan sa Brgy. Labuin Pila, Laguna. Naiiba ang konsepto ng kanilang pizza dahil ito ay nakalagay sa handwoven box na hindi lang eco-friendly, reusable pa!
Ang lahat ng ginamit sa paggawa ng box ay biodegradable at plastic-free. Kaya naman mas mae-enjoy natin ang pagkain ng pizza nang hindi nag-aalala dahil sa plastic na magagamit natin.
Napakagandang ideya nito para ma-sustain ang paggamit ng plastic at para makatulong na rin sa ating inang kalikasan. Kaya naman halina’t suportahan at makiisa tayo sa paggamit ng eco-friendly things tulad nito.
Para sa iba pang katanungan, maaaring bisitahin ang kanilang Facebook Page sa The BrickOven Café o sa kanilang restaurant na bukas mula 10:00 ng umaga hanggang 5:00 ng hapon.