Driver, tinodas ng riding-in-tandem

@Balitang Probinsiya | January 2, 2021

ZAMBOANGA DEL SUR—Isang tricycle driver ang namatay nang barilin ng riding-in-tandem kamakalawa sa Pagadian City.

Kinilala ng pulisya ang biktimang nagtamo ng mga tama ng bala sa katawan na si Sonny Maguindara, nakatira sa nabanggit na lungsod.

Ayon sa ulat, habang namamasada ng tricycle si Maguindara ay biglang sumulpot ang dalawang hindi kilalang suspek na nakasakay sa motorsiklo at agad pinagbabaril ang biktima.

Mabilis na tumakas ang mga salarin matapos ang pamamaril sa biktima.

Dinala pa ng mga saksi si Maguindara sa pagamutan, pero idineklara itong dead-on-arrival.