Driver na pusher, dedo sa drug-bust
- BULGAR
- Sep 27, 2020
- 1 min read
@Balitang Probinsiya | September 27, 2020
NORTH COTABATO—Isang driver na drug pusher ang napatay nang manlaban at makipagbarilan sa pulisya na nagsagawa ng drug-bust operation kamakalawa sa Bgy. Lower Katingawan, Midsayap.
Kinilala ang suspek na nagtamo ng mga tama ng bala sa katawan na si Mark Dumile, nakatira sa nasabing barangay.
Ayon sa ulat, nang malaman ni Dumile na mga operatiba ang katransaksiyon niya sa drug-deal ay bigla nitong pinagbabaril ang mga awtoridad.
Mabilis na gumanti ng putok ang mga awtoridad kaya napatay ang suspek.
Nakakumpiska ang mga awtoridad ng ilang sachets ng shabu, .38 revolver at mga bala sa pinangyarihan ng insidente.
Comments