Driver dedo, pahinante kritikal sa bangin

@Balitang Probinsiya | August 4, 2022

ZAMBALES—Isang driver ang namatay at nasa kritikal na kalagayan naman ang pahinante nito nang aksidenteng mahulog sa bangin ang sinasakyan nilang trak kamalalawa sa Bgy. Mangan-vaca, Subic.

Kinilala ng pulisya ang namatay na si Rodel Flores, nasa hustong gulang, samantalang inaalam pa ng mga awtoridad ang pagkakakilanlan ng pahinanteng biktima.

Ayon sa ulat, nawalan umano ng kontrol sa pagmamaneho si Flores kaya nahulog ang kinalululanan nilang trak sa bangin.

Kaagad sumaklolo ang mga residente at dinala ang mga biktima sa pagamutan, pero idineklarang dead-on-arrival si Flores.

Patuloy pa ang imbestigasyon ng pulisya sa naganap na aksidente.