Dating pusher na nagbagong-buhay, nilikida

@Balitang Probinsiya | February 19, 2021

QUEZON—Isang dating drug pusher na nagbagong-buhay at fish vendor na ngayon ang pinagbabaril hanggang sa mapatay ng riding-in-tandem kamakalawa sa Bgy. Silangang-Mayao, Lucena City.

Nakilala ang biktima na si Joelan Revadulla, nakatira sa nabanggit na barangay.

Ayon sa ulat, habang naglalako ng kanyang panindang isda si Revadulla ay bigla itong nilapitan ng dalawang hindi kilalang lalaki na nakasakay sa isang motorsiklo at agad pinagbabaril ang biktima.

Nabatid na dating drug pusher si Revadulla na nahuli noong Agosto 2017, pero mula nang makalaya ay nagbagong-buhay na ito sa pamamagitan ng pagtitinda ng isda.

Patuloy pa ang imbestigasyon ng pulisya sa motibo ng mga suspek sa pagpatay sa biktima.