Construction worker nilikida ng rider

@Balitang Probinsiya | September 10, 2022

BATANGAS—Isang construction worker ang namatay nang barilin ng hindi kilalang armadong rider kamakalawa sa Bgy. Palahanan 2nd, San Juan.

Ang biktimang nagtamo ng mga tama ng bala sa katawan ay kinilala ng pulisya na si Marvin Tejada, 30-anyos at residente ng naturang bayan.

Ayon sa ulat, naglalakad pauwi si Tejada nang sumulpot ang suspek na sakay ng isang motorsiklo at agad pinagbabaril ang biktima.

Nang matiyak na patay na ang biktima ay saka mabilis na tumakas ang salarin.

Nagpalabas na ng manhunt operation ang pulisya para madakip ang suspek.