Construction worker nalunod sa irigasyon

@Balitang Probinsiya | May 21, 2022

ISABELA – Isang construction worker ang namatay nang malunod habang naliligo sa irigasyon kamakalawa sa Bgy. Oscariz, Ramon sa lalawigang ito.

Ang biktima ay kinilala ng pulisya na si Reynante Peralta, nasa hustong gulang at residente ng nasabing barangay.

Ayon sa ulat, nakita umano ni Peralta na naliligo sa irigasyon ang kanyang mga kaibigan kaya naligo na rin ito, pero hindi na lumutang ang biktima sa tubig.

Agad sumaklolo ang mga kaibigan ni Peralta, at makalipas ang halos isang oras ay nakita sa ilalim ng irigasyon at naiahon dito ang biktima.

Dinala ng kanyang mga kaibigan si Peralta sa ospital, pero idineklara itong dead-on-arrival.