Construction worker, nalunod sa ilog
- BULGAR
- Feb 5, 2022
- 1 min read
@Balitang Probinsiya | February 05, 2022
NUEVA ECIJA–Isang construction worker ang namatay nang malunod sa ilog na sakop ng Bgy. Pinamalisan, Gabaldon.
Ang biktima ay kinilala ng pulisya na si Gerry Gabano, nasa hustong gulang at residente ng nabanggit na barangay.
Ayon sa ulat, naligo umano si Gabano sa ilog, kasama ang kanyang mga kaibigan.
Nabatid na hindi napuna ng kanyang mga kaibigan na nalunod na pala si Gabano at nalaman lang ito nang paalis na sila, pero hindi pa umaahon sa ilog ang biktima.
Nang puntahan ang ilog ay dito natagpuan ang nakalutang na bangkay ng biktima.
Comments