Chairman tinodas
BULGAR
May 1, 2022
1 min read
@Balitang Probinsiya | May 1, 2022
DAVAO DEL SUR – Isang barangay chairman ang namatay nang barilin ng isang hindi kilalang armadong lalaki kamakalawa sa Bgy. San Jose, Digos City sa lalawigang ito.
Kinilala ng pulisya ang biktimang nagtamo ng mga tama ng bala sa katawan na si Chairman Angelito Balasbas, 50-anyos at nakatira sa naturang barangay.
Ayon sa ulat, nakatayo si Balasbas sa harap ng kanilang bahay nang sumulpot ang ang salarin at agad pinagbabaril ang biktima.
Matapos tiyaking patay na ang biktima ay mabilis na tumakas ang mga suspek.
Iniimbestigahan na ng pulisya ang motibo ng suspek sa pamamaslang sa biktima.
Comments