Caretaker, natagpuang patay

@Balitang Probinsiya | August 6, 2023

RIZAL -- Isang caretaker ang natagpuang patay kamakalawa sa talahiban sa Bgy. San Roque, Angono sa lalawigang ito.

Ang biktima ay kinilala ng pulisya na si Ryan Balang, 39 at nakatira sa naturang barangay.

Napag-alaman na ilang residente ang nakatagpo sa bangkay ng biktima sa lugar.

Huli umanong nakitang buhay si Balang habang nangangasiwa ito sa isang poultry farm sa nasabing barangay.

Patuloy ang imbestigasyon ng pulisya para malaman ang sanhi ng kamatayan ng biktima.