Caretaker, nag-amok dedo sa parak

@Balitang Probinsiya | January 3, 2021

CEBU—Isang caretaker na nag-amok ang namatay nang barilin ng pulis na tinangka niyang tagain kamakalawa sa Bgy. Kalangahan, Tuburan.

Kinilala ang suspek na si Antonio Nogas, residente ng nasabing barangay.

Ayon sa ulat, bigla na lang umanong nagwala si Nogas na armado ng itak at tinaga ang amo niyang si Hananias Ibo na tinamaan sa mga kamay.

Kaagad humingi ng saklolo sa pulisya ang mga residente, at nang dumating ang mga awtoridad ay tinangka niyang tagain ang operatiba kaya napilitan ang awtoridad na pagbabarilin ang suspek dahilan ng kamatayan nito.

Inaalam na ng pulisya ang motibo ng pag-aamok ni Nogas, samantalang ginagamot na sa ospital si Ibo.