Call center agent na tulak nasakote
BULGAR
May 15, 2022
1 min read
@Balitang Probinsiya | May 15, 2022
PALAWAN – Isang call center agent na drug pusher ang naaresto sa isinagawang drug-bust operation ng mga awtoridad kamakalawa sa Bgy. San Pedro, Puerto Princesa City sa lalawigang ito.
Ang suspek ay kinilalang si Perlito Gantang, nasa hustong gulang at nakatira sa nabanggit na lungsod.
Ayon sa ulat, nagsagawa ng drug-bust operation ang mga operatiba sa nabanggit na barangay at dito nadakip ang drug pusher.
Nabatid na nakakumpiska ang mga awtoridad ng dalawang pakete ng shabu at markadong pera sa pag-iingat ng suspek.
Nakapiit na ang suspek na nahaharap ngayon sa kasong paglabag sa Comprehensive Dangerous Drug Act of 2002.
Comments