BPAT member, tepok sa pamamaril

@Balitang Probinsiya | July 4, 2022

NORTH COTABATO—Isang miyembro ng Barangay Peacekeeping Action Team (BPAT) ang namatay at sugatan naman ang dalawang kasama nito nang pagbabarilin sila ng mga hindi kilalang armadong lalaki kamakalawa sa Bgy. Ginatilan, Pikit.

Ang nasawi ay kinilalang si Gilbert Roa, 45-anyos, samantalang ang mga sugatan ay sina Eleonor Umutong at Kho Inok, pawang residente sa nabanggit na barangay.

Ayon sa ulat, habang nagpapahinga ang mga biktima ay biglang sumulpot ang mga suspek at agad silang pinagbabaril

Nang matapos ang pamamaril ay mabilis na tumakas ang mga suspek.

Inaalam na ng pulisya ang motibo ng mga suspek sa pamamaril sa mga biktima.