Bebot, natagpuang patay

@Balitang Probinsiya | February 18, 2022

PANGASINAN--Isang 23-anyos na dalaga ang natagpuang patay kamakalawa sa bakanteng lote sa bayan ng Sison.

Sa kahilingan ng pamilya ng biktima ay hindi na pinangalanan ng pulisya ang dalaga.

Nabatid na ilang residente ang nakatagpo sa bangkay ng biktima sa nasabing lugar.

Sa pagsisiyasat ng pulisya, nalaman na may palatandaang pinatay at ginahasa ang biktima.

Patuloy pa ang imbestigasyon ng mga awtoridad sa nasabing krimen.